Истәлек тактасы куелды
Кошман авылында туып-үскән, Тукайлар чорында иҗат иткән якташыбыз, шагыйрь Әбрар Сәгыйди исемен мәңгеләштерүдә тагын бер зур адым ясалды.
Әбрар Сәгыйдинең тууына 100 ел тулган көннәрдә аның улы, профессор Марат Сәгыйтов, күпсанлы кунаклар катнашында шагыйрьнең каберенә таш куелган иде. Авылдашлары шагыйрьне онытмыйлар, Әбрар Сәгыйди исемен йөрткән Кошман төп гомумбелем бирү мәктәбе укучылары да каберлекне чистартып тора. Сентябрь ахырында технология укытучысы Айдар Насретдинов җитәкчелегендә укучы егетләр анда барып, тирә-юнен чүп-чардан чистартып, чардуганын төзәтеп кайтты. Күптән түгел Кошман авыл җирлеге анда истәлек тактасы да урнаштырды.
Кошманда җаен табалар
Кайбыч районы Кошман авылында табигый сугару системасын шәхси хуҗалыклар гына түгел, крестьян-фермер хуҗалыклары да оста файдалана.
Олы юлдан янәшәдә генә мәш килеп бәрәңге алучыларны күргәч, кызык булып китте. Быел икенче икмәкне күп урыннарда виноград җимешеннән әз генә зуррак дип әйтәләр. Монда ничегрәк икән? Монда дигәнем, Кайбыч районы “Р.Садриев” исемендәге крестьян-фермер хуҗалыгы кырлары булып чыкты. Бәрәңгеләре дә елына күрә шактый зур уңышлы – гектарыннан 120 центнерлап чыга. Йодрык-йодрык булып тәгәрәшеп яткан икенче икмәкне җыюы да күңелле бугай. Мәктәп балалары шау-гөр килеп, ярыша-ярыша эшли.
...
Дәвамын карарга »
Бала тәрбиясе – байлыктан әһәмиятлерәк
Ислам динендә белем алу саваплы гамәл саналса, белемеңне башкаларга да өйрәтү, халыкка тарату – аннан да саваплырак. Районыбыз авылларында дин сабагын укытучылар, мөслимәләр Олы Кошман мәчетендә җыелып фикер алышты.
Җыелышта сүз мәчетләрдә дин сабаклары укыту турында барды. Кайбер авылларда мондый дәресләр инде күптән үткәрелә, быел тагын берничә мәчеттә ял дәресләре башланачак. Мөслимәләр ышана: киләчәктә һәрбер авылда да шундый дәресләр даими узар. Җыелышта бердәм укыту стандартлары булдыру хакында да сөйләштеләр. Мөгаллимнәргә 58 сораудан торган анкеталар тапшырылды, аның нәтиҗәләре буенча Диния нәзарәте укытуга рөхсәт бирүче махсус документлар әзерләячәк. Дин сабаклары бирүне очраклы кешеләр түгел, махсус белемле мөслимәләр алып барачак.
...
Дәвамын карарга »