20:57 Ураза гаете 2026 | |
| Кошман авылында мөселманнарның изге бәйрәме – Ураза гаете зур рухи күтәренкелек белән узды. Иртә таңнан авыл халкы мәчеткә җыелып, гает намазы укыды, бер-берсен изге бәйрәм белән котлады. Имам-хатыйб үзенең вәгазендә сабырлык, шәфкатьлелек, игелек кылуның мөһимлеге турында сөйләде, Рамазан аенда кылынган изге гамәлләрнең дәвамлы булуын теләде. Бәйрәм намазыннан соң авыл халкы бер-берсенә изге теләкләрен җиткерде, өлкәннәрнең хәлен белде, туганнар һәм күршеләр белән очрашты. Күп гаиләләрдә мул табыннар әзерләнде, балаларга күчтәнәчләр өләшенде. Ураза гаете – кешеләрне берләштерүче, күңелләргә тынычлык һәм өмет өстәүче бәйрәм. Кошман авылы халкы да бу изге көнне бердәмлек, ихтирам һәм игелек рухында каршы алды. Аллаһ кылган гыйбадәтләрне кабул кылсын, һәр йортка бәрәкәт, тынычлык һәм иминлек насыйп итсен. 🤲 | |
|
| |