| Албит » Язмалар » Кошманда Ислам |
Иң авыры - ир-атларны җәлеп итү
| Кайбыч районының Кече Кошман белән Югары Кошман авылларын уртадагы күпер генә аерып тора. Ике авылга 30 урынлы бер балалар бакчасы, медпункт, быелдан 9 еллыкка әйләнгән мәктәп, клуб бар. Нәкъ элеккечә колхоз эшли. Һәр авылның үз мәчете. — Биш вакыт намазны һәркөнне биредә укыйбыз, — дип сөйли Кече Кошман мәчете имамы Ибраһим хәзрәт Сабиров. — 310 йортның 90 ы Түбән Кошманда. Җомга саен 19 лап кеше җыела. Вәгазьне мәчеткә килүчеләргә генә түгел, бөтен авыл ишетеп торсын өчен микрофонга сөйлим. Кешеләр арасында ихласлыкны арттыруына, һичшиксез, ышанам. Үзем Рамил хәзрәтне бик яратып тыңлыйм. Вәгазь өчен темаларны да күбесенчә аннан алам. Аллаһка, фәрештәләргә, ахирәт көненә ышану, гөнаһ, җәннәт, җәһәннәм турында... 12 ел дәвамында сөйләнгән сүзләр аз булмагандыр. Тел байлыгы күпме биргән, тырышабыз. Ләкин безгә зур хәзрәтләргә бик ерак әле. Ибраһим хәзрәтнең дингә тартылуы әтисеннән килгән. Заманында ат караучы булып эшләгән Фәһим абый дини төшенчәләрне, гарәп хәрефләрен үзлегеннән өйрәнгән. Әйтүе генә җиңел. Гарәп теле кебек авыр телне гади колхозчы мич артында, бернинди практикасыз диалог алып барыр дәрәҗәгә җиткерсен әле! Өй түреңдә торган зур радиоалгычтан гарәпчә сөйләгән дулкын табып, анда укылган Коръәнне билгеләп барган, дөрес итеп укырга да шуннан өйрәнгән ул. — Мәктәпне тәмамлап йөргән елларда авыл мәчетенә төрекләр килде. Әти алар белән рәхәтләнеп гарәпчә сөйләште. Ике арада аңлашылмаучылык булмады, — дип искә ала Ибраһим хәзрәт. — Төрекләр шулчаклы матур итеп азан әйтәләр иде. Урамга чыгам да тыңлыйм, чыгам да тыңлыйм. Шуннан әти белән киңәшләштем дә, Казанның Кабан арты мәчетенә укырга кердем. Ибраһим хәзрәтнең имам булып торуына 12 ел була икән. — Ел саен кыш көннәрендә дин сабаклары укытабыз, — ди ул. — Балалар, ир-ат, хатын-кызлардан торган өч төркем була. Шәкертләр гарәп хәрефләрен, намаз эчендәге догалар һәм тәҗвид дәресләрен өйрәнәләр. Мәчеткә иң авыры ир-атларны җәлеп итү икән. Быел аларның саны бишәү генә булган. Ә хатын-кызлар —18, балалар 20 җыелган. Мәчеткә йөргән малайлар-кызлар өчен Сабан туе уздыруны Ибраһим хәзрәт матур бер гадәткә кертеп җибәргән. Аны үткәрүдә шушы авылда туып-үскән, хәзер Васильево бистәсендә яшәүче шәхси эшмәкәр Айрат Садриевның да ярдәме зур. Әтрәч авылы янында хәләл тавык итеннән шашлык, чәй эчү, төрле уен-конкурслар була икән. — «Хәзинә» уенын аеруча яраталар, — дип сөйли хәзрәт. — Сабан туе буласы җиргә кичтән үк барып, берничә урынга тимер һәм кәгазь акчалар күмеп куям. Балаларга үземнең металл табу җайланмасын бирәм дә, дөньяны онытып, аларга карап торам. Шунысы куанычлы, 12 ел элек үк укыткан шәкертләремнең күбесе намазда. Авыл мәчетендә башлап җибәргән белемне «Мөхәммәдия» мәдрәсәсендә дәвам итүчеләр дә бар. Дингә бер кереп киткән кешенең бик сирәге генә ялгыш юлга басадыр ул. ...Ибраһим хәзрәт хатыны Ләйлә белән ике ул тәрбияләп үстерәләр. 10 яшьлек Ислам биш вакыт намазын бер дә калдырмый икән. Иртәнге 3 тә дә берсүзсез торып, әти-әнисе жына кереп баса. Ә Инсафка 6 яшь. Иншалла, бу аиләдә башкаларга үрнәк булырдай чын мөселман егетләре үсә. Алсу САБИРОВА, Кайбыч районы. «Ирек мәйданы» газетасы, №10, 2.09.2011.Кайбыч районының Кече Кошман белән Югары Кошман авылларын уртадагы күпер генә аерып тора. Ике авылга 30 урынлы бер балалар бакчасы, медпункт, быелдан 9 еллыкка әйләнгән мәктәп, клуб бар. Нәкъ элеккечә колхоз эшли. Һәр авылның үз мәчете. — Биш вакыт намазны һәркөнне биредә укыйбыз, — дип сөйли Кече Кошман мәчете имамы Ибраһим хәзрәт Сабиров. — 310 йортның 90 ы Түбән Кошманда. Җомга саен 19 лап кеше җыела. Вәгазьне мәчеткә килүчеләргә генә түгел, бөтен авыл ишетеп торсын өчен микрофонга сөйлим. Кешеләр арасында ихласлыкны арттыруына, һичшиксез, ышанам. Үзем Рамил хәзрәтне бик яратып тыңлыйм. Вәгазь өчен темаларны да күбесенчә аннан алам. Аллаһка, фәрештәләргә, ахирәт көненә ышану, гөнаһ, җәннәт, җәһәннәм турында... 12 ел дәвамында сөйләнгән сүзләр аз булмагандыр. Тел байлыгы күпме биргән, тырышабыз. Ләкин безгә зур хәзрәтләргә бик ерак әле. Ибраһим хәзрәтнең дингә тартылуы әтисеннән килгән. Заманында ат караучы булып эшләгән Фәһим абый дини төшенчәләрне, гарәп хәрефләрен үзлегеннән өйрәнгән. Әйтүе генә җиңел. Гарәп теле кебек авыр телне гади колхозчы мич артында, бернинди практикасыз диалог алып барыр дәрәҗәгә җиткерсен әле! Өй түреңдә торган зур радиоалгычтан гарәпчә сөйләгән дулкын табып, анда укылган Коръәнне билгеләп барган, дөрес итеп укырга да шуннан өйрәнгән ул. — Мәктәпне тәмамлап йөргән елларда авыл мәчетенә төрекләр килде. Әти алар белән рәхәтләнеп гарәпчә сөйләште. Ике арада аңлашылмаучылык булмады, — дип искә ала Ибраһим хәзрәт. — Төрекләр шулчаклы матур итеп азан әйтәләр иде. Урамга чыгам да тыңлыйм, чыгам да тыңлыйм. Шуннан әти белән киңәшләштем дә, Казанның Кабан арты мәчетенә укырга кердем. Ибраһим хәзрәтнең имам булып торуына 12 ел була икән. — Ел саен кыш көннәрендә дин сабаклары укытабыз, — ди ул. — Балалар, ир-ат, хатын-кызлардан торган өч төркем була. Шәкертләр гарәп хәрефләрен, намаз эчендәге догалар һәм тәҗвид дәресләрен өйрәнәләр. Мәчеткә иң авыры ир-атларны җәлеп итү икән. Быел аларның саны бишәү генә булган. Ә хатын-кызлар —18, балалар 20 җыелган. Мәчеткә йөргән малайлар-кызлар өчен Сабан туе уздыруны Ибраһим хәзрәт матур бер гадәткә кертеп җибәргән. Аны үткәрүдә шушы авылда туып-үскән, хәзер Васильево бистәсендә яшәүче шәхси эшмәкәр Айрат Садриевның да ярдәме зур. Әтрәч авылы янында хәләл тавык итеннән шашлык, чәй эчү, төрле уен-конкурслар була икән. — «Хәзинә» уенын аеруча яраталар, — дип сөйли хәзрәт. — Сабан туе буласы җиргә кичтән үк барып, берничә урынга тимер һәм кәгазь акчалар күмеп куям. Балаларга үземнең металл табу җайланмасын бирәм дә, дөньяны онытып, аларга карап торам. Шунысы куанычлы, 12 ел элек үк укыткан шәкертләремнең күбесе намазда. Авыл мәчетендә башлап җибәргән белемне «Мөхәммәдия» мәдрәсәсендә дәвам итүчеләр дә бар. Дингә бер кереп киткән кешенең бик сирәге генә ялгыш юлга басадыр ул. ...Ибраһим хәзрәт хатыны Ләйлә белән ике ул тәрбияләп үстерәләр. 10 яшьлек Ислам биш вакыт намазын бер дә калдырмый икән. Иртәнге 3 тә дә берсүзсез торып, әти-әнисе жына кереп баса. Ә Инсафка 6 яшь. Иншалла, бу аиләдә башкаларга үрнәк булырдай чын мөселман егетләре үсә. Алсу САБИРОВА /«Ирек мәйданы» газетасы, №10, 2.09.2011/ | |
| Просмотров: 1015 | | |
| Всего комментариев: 0 | |