MENU
Албит » Язмалар » Авылыбыз шәхесләре

Тимер остасы Ришат


Рамилә апа һәм Равил абыйның уллары Альберт, Ринат һәм Ришат әти-әниләре кебек үк тырышлар. Мисал өчен, аларның йорт-җирләре хуҗаларның эшсез утырмавын күрсәтә. Аларның туганлык җепләрен саклау, теләсә кайсы вакытта ярдәмгә килү яклары сокландыра.
Ришат шулай ук нәсел нигезен саклаучы да булып тора. Әти-әнисе, хатыны Илсина һәм ике кызы белән әтисе йортында яши. Электр-газ белән эретеп ябыштыручы булып эшли. Салкын металл ясау-аның хоббисы. Авылда эш күп булса да, ул яраткан шөгыленә дә вакыт табарга тырыша.

- Металл әйберләр ясау белән кызыксынуым күптән барлыкка килде. Мәктәпне тәмамлагач, Яшел Үзәндә эретеп ябыштыручы һөнәрен үзләштедем, – диде Ришат. Металл ясауны үзлегеннән өйрәнгән. Үрнәкләр ясау өчен станокны да үзе ясаган. Мин эскәмияләр, капкалар, атынгычлар эшлим. Үзләре капка төбендә карусель ясап куйган. Безнең урамда балалар күп, алар анда рәхәтләнеп уйныйлар.

Ир белән хатын ике пар итек диләр. Ришат белән Илсинә дә бер-берсенә бик охшаган. Икесе дә алтын куллы. Ильсина Федоровскийдан, аның әти-әнисе Кошманда туып үскәннәр. Ул һөнәре буенча табиб, район үзәк хастаханәсендә шәфкать туташы булып эшли. Хәзерге вакытта кызы Ясминәны карау буенча ялда тора. Ильсина матур аяк киеме, чулпы, пинетка бәйли, мунчага мунчалалар һәм уенчыклар үреп куя. Гаҗәп, ничек барысына да өлгерә?!

Фотодагы җимлеккә килгәндә, Ришат идеясен интернетта яки башка берәр җирдә эзләмәгән, үзе уйлап тапкан. Бу гадәти булмаган кошлар җимлеге, район конкурсына ясалган булса да, Ришат рөхсәте белән аның кызы Исламия йөргән авылның балалар бакчасында калдырылган. Мондый эшләнмә районда гына түгел, республикада да беренче урынны алырга лаеклы.

Киләчәк Ришат һәм Илсинә кебек яшьләр кулында. Алар һәр җирдә һәм һәрнәрсәдә өлгер. Андыйлар күбрәк булсын иде дигән теләктә калабыз.
Категория: Авылыбыз шәхесләре | Добавил: antixak (09.12.2023)
Просмотров: 24 | Рейтинг: 0.0/0
Всего комментариев: 0
ComForm">
avatar